Rapport for: Statens pensjonsfond – Utland, Noregs Bank sine valutareservar (Investeringsporteføljen og Petrobufferporteføljen) og Statens petroleumsforsikringsfond
Tredje kvartal var prega av uro og prisfluktuasjonar i finansmarknadene verda over. Aukande misleghald av bustadlån med låg trygd i USA førte til ein auke i renteforskjellen mellom verdipapir med trygd i lån til kundar med låg kreditt-tiltru og amerikanske statsobligasjonar. Aksjemarknadene blei også påverka av uroa, og det var sterk kursnedgang i juli og august. I september snudde utviklinga i aksjemarknaden, og ein del av kursnedgangen blei reversert. Det var selskap innanfor råvaresektoren som hadde den sterkaste kursutviklinga, mens det var svakast kursutvikling for selskap innanfor sektorane finansielle tenester og forbrukstenester.